A jerin regulis no scritis, che a jerin cence struments certificâts pai controi e che no podevin garantî prin i risultâts, ma ur permetevin ai "zovins di buteghe" di imparâ la cualitât plui impuartante: la braùre di jessi i autôrs di un lavôr preseât.
Cuant che o vin començât a studiâ il Sisteme Cualitât o Cualitât Totâl no podevin fâ di mancul di viodi che al jere simil al principi di "fâ a buine regule" che i nestris Paris nus àn lassât e duncje o vin fat bon il concet di "fâ simpri tal miôr mût" cul obietîf di fâ simpri inmò miôr. Si sa che si rive a une regolaritât dai risultâts dome cun proceduris, controi, misurazions e normis, ven a stai regulis, scritis. Si sa ancje che par garantî il client si à di fâ normis che a sedin acetadis.
VISION - Packaging cal trasmet ogni detai dal prodot contignût, cuntune sodisfazion plene ancje sensoriâl, dal Client finâl. Noaltris dal Scatolificio Udinese o sin sigûrs che “Jessi une Aziende” al vueli dî lavorâ cun trasparence e cun etiche tant dentri de aziende che tai confronts di dutis lis componentis difûr, cun rispiet pal ambient e ricercje continue dal miorament dutun cui nestris Partners furnidôrs.
MISSION - Il nestri obietîf al è cjatâ simpri la soluzion juste ai dibisugns dal Client, savint ben che dome la passion pal nestri lavôr e la cognossince nus fasin sorpassâ simpri i risultâts che o sin za rivâts. Passion, entusiasim, adatabilitât, rispiet vicendevul, fiducie e sodisfazion a son i ingredients di fonde di ogni zornade di lavôr dal nestri grup.
